Монгол түмэн минь сайхан наадаарай
Японы авто замын технологи танилцуулах семинар боллоо
2015.07.02 нд Зам тээврийн яам, НАЗГ, “Зам тээврийн хөгжлийн төв” ТӨҮГ, МАЗИН, ШУТИС, “Сэйкитокюү Когё” ХК, “Төгс зам” ХХК хамтран зохион байгуулсан Японы авто замын засварын дэвшилтэт шинэ технологи танилцуулах семинар ШУТИС-ын хурлын танхимд боллоо. Семинарыг нээж Зам тээврийн яамны АЗТБХЗГ-ын Авто замын барилга, засвар арчлалтын албаны дарга Б.Энхбат, НАЗГ-ын дарга Д.Нанзаддорж нар үг хэллээ.“Сэйкитокюү Когё” ХК-ийн гүйцэтгэх захирал Казүхико Сайто Технологийн хэлтэсийн дарга Ёшихито Ошима, Судалгааны инженер Цүтомү Гэнто нар Японы авто замын засварын технологи, материалын талаар танилцуулан илтгэл тавилаа. Мөн МАЗИН-ийн гүйцэтгэх захирал, зөвлөх инженер Н.Адилбиш Монгол улсын авто замын засвар, арчлалтын тухай танилцууллаа.
Семинарын үеэр авто замын засвар арчлалтын ажилд замын нөхөөс, гагнаас, болон торон хагаралыг засварлах 3 төрлийн материалыг танилцууллаа.
Мөн оролцогчид дээрх материалуудын талаар сонирхсон зүйлээ асууж харилцан санал солилцлоо.
Үдээс хойш “Зам тээврийн хөгжлийн төв”-ийн бэлтгэсэн туршилтын талбай дээр авто замын хагаралд нөхөөс , гагнаас хийх материалуудыг турших туршилтын ажлыг “Сэйкитокюү Когё” ХК, “Төгс зам” ХХК –ний ажилтнууд хийж үзүүллээ.
Санал болгосон
